Crime news: ఆ బాలికపై యాసిడ్‌ దాడి చేసింది మేనమామే..

నెల్లూరు రూరల్‌ డీఎస్పీ వెల్లడి

నెల్లూరు: నెల్లూరు జిల్లా వెంకటాచలం మండలంలోని ఓ గ్రామంలో మైనర్‌ బాలికపై యాసిడ్‌ దాడి ఘటన తీవ్ర కలకలం రేపిన సంగతి తెలిసిందే. అయితే, 14 ఏళ్ల బాలికపై దాడికి పాల్పడింది ఆమె మేనమామ నాగరాజేనని పోలీసులు వెల్లడించారు. డబ్బు కోసమే నిందితుడు ఈ దారుణానికి ఒడిగట్టినట్టు తెలిపారు. ఈ ఘటనపై నెల్లూరు రూరల్‌ డీఎస్పీ హరనాథ్‌ రెడ్డి మీడియాతో మాట్లాడారు. బాలికపై అత్యాచారం జరగలేదని ప్రాథమికంగా గుర్తించామన్నారు. ప్రస్తుతం బాలిక ఆరోగ్య పరిస్థితి నిలకడగానే ఉన్నట్టు చెప్పారు. నిందితుడు చెడు వ్యసనాలకు బానిసై డబ్బు కోసమే ఈ కిరాతకానికి పాల్పడినట్టు తెలిపారు. ఈ కేసును విచారించి నిందితుడిని త్వరలోనే పట్టుకొని కఠిన శిక్ష పడేలా చర్యలు తీసుకోనున్నట్టు డీఎస్పీ తెలిపారు.