NIA: హైదరాబాద్‌ పాతబస్తీలో ఎన్‌ఐఏ సోదాలు

హైదరాబాద్‌: నగరంలోని పాతబస్తీలో జాతీయ దర్యాప్తు బృందం(ఎన్‌ఐఏ) సోదాలు చేపట్టింది. ఇటీవల రాజస్థాన్‌లోని ఉదయ్‌పుర్‌లో జరిగిన దర్జీ కన్హయ్యలాల్‌ హత్య కేసుకు సంబంధించి దర్యాప్తులో భాగంగా ఎన్‌ఐఏ బృందం హైదరాబాద్‌కు వచ్చింది. ఈ హత్య కేసులో అరెస్టు అయిన నిందితుల సెల్‌ఫోన్‌లో బిహార్ వాసి ఫోన్‌ నంబర్‌ ఉంది. దీంతో ఈ హత్యతో అతడికి గల సంబంధంపై ఎన్‌ఐఏ అధికారులు దర్యాప్తు చేపట్టారు. అతడు నగరంలోని సంతోష్ నగర్‌లో ఓ హోటల్‌లో ఉన్నట్లు గుర్తించి అదుపులోకి తీసుకున్నారు. అనంతరం మాదాపూర్‌లోని ఎన్‌ఐఏ కార్యాలయనికి తరలించి విచారిస్తున్నారు.