Crime news: భార్యతో అసభ్యంగా ప్రవర్తించిన పోలీస్‌.. ముక్కూ చెవులు కోసేసిన భర్త!

అక్రమసంబంధం పెట్టుకోవాలని తన భార్యను బలవంతం చేస్తున్నాడనే కోపంతో ఓ వ్యక్తి ఓ పోలీసు ముక్కు, చెవులు, పెదాలు కోసేశాడు.........

Published : 02 Aug 2022 02:07 IST

లాహోర్‌: అక్రమ సంబంధం పెట్టుకోవాలంటూ తన భార్యను బలవంతం చేస్తున్నాడనే కోపంతో ఓ వ్యక్తి ఓ పోలీస్‌ ముక్కు, చెవులను కోసేశాడు. అంతకుముందు అతడిపై తీవ్రంగా దాడి చేశాడు. ఈ ఘటన పాకిస్థాన్‌లోని పంజాబ్‌ ప్రావిన్స్‌లో వెలుగులోకి వచ్చింది. ఝండ్‌ జిల్లాకు చెందిన మహమ్మద్‌ ఇఫ్తికార్‌ తన భార్యతో కలిసి జీవిస్తున్నాడు. అయితే అతడు ఇంట్లో లేని సమయంలో కానిస్టేబుల్‌ ఖాసిమ్‌ హయత్‌ ఇంట్లోకి చొరబడి తన భార్యతో అసభ్యంగా ప్రవర్తిస్తున్నాడని, అక్రమ సంబంధం పెట్టుకోవాలని బలవంతం చేస్తున్నాడని ఇఫ్తికార్‌ ఆరోపించాడు. ఈ విషయంపై పోలీసులకు ఫిర్యాదు చేసినా.. వారు పట్టించుకోలేదన్నాడు.

ఈ నేపథ్యంలోనే డ్యూటీ ముగించుకొని ఇంటికి వెళుతున్న కానిస్టేబుల్‌ను ఓ ప్రాంతంలో అడ్డుకున్న ఇఫ్తికార్‌.. అతడిని ఓ నిర్జన ప్రదేశానికి తీసుకెళ్లాడు. తీవ్రంగా దాడి చేసి.. కత్తితో అతడి ముక్కు, చెవులు తదితర అవయవాలను కోసేశాడు. అనంతరం అక్కడి నుంచి పరారయ్యాడు. తీవ్రంగా గాయపడ్డ కానిస్టేబుల్‌  జిల్లా ప్రధాన ఆసుపత్రిలో చేరి చికిత్స పొందుతున్నాడు. ప్రస్తుతం అతడి ఆరోగ్యం ఆందోళనకరంగా ఉన్నట్లు పోలీసులు తెలిపారు. ఘటనపై కేసు నమోదు చేసుకొని దర్యాప్తు చేస్తున్నట్లు పోలీస్‌ ఉన్నతాధికారులు వెల్లడించారు.

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts