Panchayat Secretary : అధికారుల వేధింపులు తట్టుకోలేక పంచాయతీ కార్యదర్శి ఆత్మహత్యాయత్నం

సిద్దిపేట: అధికారుల వేధింపులు తట్టుకోలేక పంచాయతీ కార్యదర్శి ఆత్మహత్యకు ప్రయత్నించిన ఘటన సిద్దిపేట జిల్లాలో జరిగింది.  నంగునూరు ఎంపీడీవో మధుసూదన్ వేధింపులకు గురి చేస్తున్నారని మనస్తాపానికి గురైన పాలమాకుల పంచాయతీ కార్యదర్శి రామ్ ప్రసాద్  ఆత్మహత్యాయత్నం చేశారు. ఈ మేరకు సోషల్ మీడియాలో పోస్ట్ చేశారు. రామ్ ప్రసాద్ ను ఓ వ్యవసాయ క్షేత్రం వద్ద గుర్తించిన అతని స్నేహితులు వెంటనే  ఆసుపత్రికి తరలించారు. అధికారులు వేధిస్తున్నారని జిల్లా ప్రజా పరిషత్ కార్యాలయం వద్ద పంచాయతీ కార్యదర్శులు ధర్నా నిర్వహించారు. ఈ సందర్భంగా వారు మాట్లాడుతూ ఎంపీడీవో తమను ఎక్కువ పని చేయాలని ఆదేశిస్తున్నారని, వేరే వాళ్ల పని సైతం చేయాలంటున్నారని ఆవేదన వ్యక్తం చేశారు. పని చేయాల్సిందే, లేకుంటే ఉద్యోగానికి రాజీనామా చేయాలన్నారని తెలిపారు. మధుసూదన్‌పై చర్యలు తీసుకోవాలని డిమాండ్‌ చేశారు. పంచాయతీ కార్యదర్శులకు పని భారం తగ్గించాలన్నారు.