Hyderabad: బర్త్‌డే పార్టీలో గంజాయి కలకలం.. పోలీసుల అదుపులో 33 మంది

హయత్‌నగర్‌: హైదరాబాద్‌ శివారులోని హయత్‌నగర్‌ మండలం పసుమాముల వద్ద ఓ ఫామ్‌హౌస్‌పై పోలీసుల దాడి చేశారు. పుట్టినరోజు వేడుకల్లో గంజాయి వాడినట్లు పోలీసులకు సమాచారం అందడంతో అక్కడికి చేరుకొని పార్టీని భగ్నం చేశారు. బర్త్‌డే పార్టీలో పాల్గొన్న 29 మంది యువకులు, నలుగురు యువతులను పోలీసులు అదుపులోకి తీసుకుని ప్రశ్నిస్తున్నారు. వీరంతా నగరంలోని రెండు ప్రముఖ ఇంజినీరింగ్ కళాశాలలకు చెందిన విద్యార్థులుగా గుర్తించారు. విద్యార్థుల నుంచి 11కార్లు, బైక్‌, 28 సెల్‌ఫోన్లు స్వాధీనం చేసుకున్నట్టు సమాచారం.