Telangana News: పటాన్‌చెరు సమీపంలో కోడిపందేలు .. పరారీలో పలువురు

సంగారెడ్డి: పటాన్‌చెరు మండలం చినకంజర్లలో కోడి పందేలు నిర్వహిస్తున్న పలువురు పోలీసులకు చిక్కారు. సమాచారం అందుకున్న పోలీసులు కోడిపందేలు నిర్వహిస్తున్న స్థావరంపై  దాడి చేసి 21 మందిని అరెస్టు చేశారు. రూ.13.12 లక్షలు, 26 వాహనాలు, 27 చరవాణులు, 31 కోళ్లను స్వాధీనం చేసుకున్నారు. దాదాపు 70 మంది కోడిపందేల్లో పాల్గొన్నారని పటాన్‌చెరు డీఎస్పీ భీమ్‌రెడ్డి తెలిపారు. చింతమనేని ప్రభాకర్‌ నేతృత్వంలో ఈ పందేలు సాగుతున్నాయని డీఎస్పీ వెల్లడించారు. అక్కినేని సతీష్‌, కృష్ణంరాజు, బర్ల రాజుతో నిర్వాహకులని తెలిపారు. ఈ ఘటనలో చింతమనేని ప్రభాకర్‌తో పాటు చాలామంది పరారయ్యారని డీఎస్పీ పేర్కొన్నారు. అక్కినేని సతీష్‌, బర్ల రాజును  పట్టుకున్నట్లు పోలీసులు తెలిపారు. పరారీలో ఉన్నవారిని పట్టుకునేందుకు మూడు బృందాలను నియమించామని డీఎస్పీ వివరించారు.