స్నేహితులకు దావత్ ఇచ్చేందుకు.. దారి దోపిడీకి పాల్పడ్డ కానిస్టేబుల్‌!

హైదరాబాద్‌: స్నేహితులకు దావత్ ఇచ్చేందుకు ఓ కానిస్టేబుల్.. దొంగగా మారిన ఘటన హైదరాబాద్‌లో వెలుగుచూసింది. మిత్రుల విలాసాల కోసం డబ్బు లేకపోవడంతో.. దారి దోపిడీకి పాల్పడ్డాడు. చివరికి పోలీసులకు చిక్కి కటకటాలపాలయ్యాడు. రాజస్థాన్‌కు చెందిన అనూప్ సింగ్.. నగరంలో సీఐఎస్‌ఎఫ్‌ కానిస్టేబుల్‌గా పనిచేస్తున్నాడు. తన ప్రాంతానికి చెందిన ఇద్దరు స్నేహితులకు అతడు ఆశ్రయమిచ్చాడు. వారి విలాసాలకు డబ్బులు సరిపోక.. సికింద్రాబాద్ ఖార్ఖానా పరిధిలోని ఓ సాఫ్ట్‌వేర్‌ ఉద్యోగిపై దారి దోపిడీకి పాల్పడ్డాడు. సీసీ కెమెరా దృశ్యాల ఆధారంగా దర్యాప్తు చేసిన పోలీసులు.. నిందితుడిని అరెస్ట్ చేసి రిమాండ్‌కు తరలించారు.