Road Accident: కామారెడ్డి జిల్లాలో ఘోర రోడ్డు ప్రమాదం: తొమ్మది మంది మృతి.. 14 మందికి గాయాలు

ఎల్లారెడ్డి: కామారెడ్డి జిల్లా ఎల్లారెడ్డి మండలం హసన్‌పల్లి గేటు సమీపంలో ఘోర రోడ్డు ప్రమాదం జరిగింది. ట్రాలీ ఆటోను లారీ ఢీకొట్టడంతో తొమ్మిది మంది మృతిచెందగా.. 14 మందికి గాయాలయ్యాయి. ఎల్లారెడ్డి సంతకు వచ్చి పిట్లం మండలంలోని చిల్లర్గి గ్రామానికి తిరిగి వెళ్తుండగా ట్రాలీ ఆటోను ఎదురుగా వచ్చిన లారీ ఢీకొట్టింది. మృతుల్లో డ్రైవర్‌ సాయిలు (25), అంజవ్వ (40), ఈరమణి (38), సాయవ్వ (40), లచ్చవ్వ (45), వీరవ్వ (70)తో, సర్వగల్ల ఎల్లయ్య పాటు మరో ఇద్దరు ఉన్నారు. క్షతగాత్రులను బాన్సువాడ ప్రభుత్వాసుపత్రికి తరలించి చికిత్స అందిస్తున్నారు. వీరిలో పలువురి పరిస్థితి ఆందోళనకరంగా ఉన్నట్లు తెలుస్తోంది.