Road Accident: బైక్‌ను ఢీకొట్టిన కారు.. దంపతులతో సహా చిన్నారి మృతి

కమ్మర్‌పల్లి: నిజామాబాద్‌ జిల్లా కమ్మర్‌పల్లి మండల కేంద్రంలో సోమవారం అర్ధరాత్రి రోడ్డు ప్రమాదం జరిగింది. ఈ ఘటనలో దంపతులతో పాటు చిన్నారి మృతి చెందింది. పోలీసులు తెలిపిన వివరాల మేరకు.. కమ్మర్‌పల్లికి చెందిన కృష్ణయ్య, రజిత దంపతులు అర్ధరాత్రి తమ ఇద్దరు కుమార్తెలతో బైక్‌పై సమీప గ్రామానికి బయల్దేరారు. ఈ క్రమంలో వేగంగా దూసుకొచ్చిన కారు బైక్‌ను ఢీకొట్టింది. ఈ ప్రమాదంలో దంపతులతో పాటు పెద్ద కుమార్తె రాఘవి ఘటనాస్థలిలోనే మృతిచెందింది. చిన్న కుమార్తె శరణ్యకు తీవ్రగాయాలయ్యాయి. దీంతో చిన్నారిని స్థానిక ఆస్పత్రికి తరలించి చికిత్స అందిస్తున్నారు. ఘటనపై కేసు నమోదు చేసిన పోలీసులు దర్యాప్తు చేస్తున్నారు.