Road Accident: ప్రకాశం జిల్లాలో ప్రైవేట్‌ బస్సు-లారీ ఢీ: ఒకరు మృతి, 20 మందికి గాయాలు

ప్రకాశం: బేస్తవారిపేట మండలం పూసలపాడు వద్ద ఘోర రోడ్డు ప్రమాదం జరిగింది. ప్రైవేట్‌ బస్సు-లారీ ఢీకొన్నాయి. ఈ ప్రమాదంలో ఒకరు మృతి చెందగా, 20 మందికి గాయాలు అయ్యాయి. సమాచారం అందుకున్న పోలీసులు ఘటనాస్థలికి చేరుకొని సహాయచర్యలు చేపట్టారు. బాధితులను కంభం ప్రభుత్వ ఆసుపత్రికి తరలించి చికిత్స అందిస్తున్నారు. లారీని ఢీనొకి బస్సు అడ్డంగా పడడంతో జాతీయ రహదారిపై ఇరువైపుల కిలోమీటర్‌ మేర వాహనాలు నిలిచిపోయాయి. క్రేన్‌ సహాయంలో అధికారులు బస్సును తొలగిస్తున్నారు. బస్సు విజయవాడ నుంచి అనంతపురం వెళ్తుండగా ఘటన జరిగింది.