Road Accident : యూపీలో ఘోర రోడ్డు ప్రమాదం.. 8 మంది మృతి

లఖ్‌నవూ : ఉత్తరప్రదేశ్‌లో ఘోర రోడ్డు ప్రమాదం చోటుచేసుకుంది. ఈ ప్రమాదంలో 8 మంది ప్రాణాలు కోల్పోయారు. ముగ్గురు తీవ్రంగా గాయపడ్డారు. అంత్యక్రియలకు హాజరై బొలెరో వాహనంలో 11 మంది తిరిగి వస్తుండగా ఆదివారం తెల్లవారుజామున ఈ ప్రమాదం చోటుచేసుకుంది. సిద్ధార్థ్‌నగర్‌ జిల్లాలోని జోగియా కొట్వాలి ప్రాంతంలో వీరి వాహనం అదుపుతప్పి ఆగివున్న ట్రక్కును ఢీకొంది. మితిమీరిన వేగమే ప్రమాదానికి కారణంగా తెలుస్తోంది. పోలీసులు ఘటనాస్థలికి చేరుకొని దర్యాప్తు చేపట్టారు. క్షతగాత్రులను సమీప ఆస్పత్రికి తరలించారు.