Road Accident: పెళ్లింట విషాదం.. రోడ్డు ప్రమాదంలో 25 మంది దుర్మరణం

ఉత్తరాఖండ్‌లోని​ పౌడీ జిల్లాలో ఘోర రోడ్డు ప్రమాదం జరిగింది. ఈ ఘటనలో 25 మంది మృత్యువాత పడ్డారు.

Updated : 05 Oct 2022 08:26 IST

పౌడీ: ఉత్తరాఖండ్‌లోని పౌడీ జిల్లాలో మరో ఘోర ప్రమాదం జరిగింది. హరిద్వార్‌ జిల్లాలోని లాల్‌ఢాంగ్‌ నుంచి దాదాపు 50 మంది పెళ్లిబృందంతో వెళుతున్న బస్సు బీరోంఖాల్‌ వద్ద 300 మీటర్ల లోతున్న నాయర్‌ నది లోయలో పడింది. ఈ ఘటనలో 25 మంది మృతిచెందారు. మంగళవారం రాత్రి ఈ ఘటన జరిగింది. స్థానికుల సహకారంతో చేపట్టిన సహాయక చర్యలకు చీకటి కారణంగా ఆటంకాలు ఏర్పడ్డాయి. ప్రమాదస్థలిలో ఎటువంటి వెలుతురు లేకపోవడంతో చుట్టుపక్కల గ్రామాల ప్రజలు సెల్‌ఫోన్ల ఫ్లాష్‌లైట్‌ వెలుగులో.. బస్సులో చిక్కుకుపోయినవారిని బయటకు తీశారు.

సమీప ధూమ్‌కోట్‌ ఠాణా నుంచి పోలీసులు బస్సు వద్దకు చేరుకున్నారు. ఎస్డీఆర్‌ఎఫ్‌ దళాలు ప్రమాదస్థలికి చేరుకొని దాదాపు 20 మందిని రక్షించాయి. క్షతగాత్రులను సమీప ఆసుపత్రికి తరలించారు. ప్రాథమిక విచారణ అనంతరం.. వేగంగా వచ్చిన బస్సు బ్యారియర్లను చీల్చుకొంటూ చెట్టును ఢీకొని లోయలోకి దూసుకుపోయినట్లు భావిస్తున్నారు. ఈ ఘటనపై ముఖ్యమంత్రి పుష్కర్‌సింగ్‌ ధామి విచారం వ్యక్తం చేశారు. మృతుల కుటుంబాలకు సానుభూతి తెలియజేసిన ఆయన వారికి అండగా ఉంటామని భరోసానిచ్చారు.

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని