Andhra news: ఆర్టీసీ బస్సు బోల్తా.. మహిళ మృతి..

నెల్లూరు: నెల్లూరు జిల్లా మనుబొలు జాతీయ రహదారిపై ఆర్టీసీ బస్సు బోల్తాపడింది. ఈ ప్రమాదంలో ఓ మహిళ మృతి చెందింది. 15 మందికి తీవ్ర గాయాలయ్యాయి. ప్రమాద సమయంలో బస్సులో 35 మంది ప్రయాణికులు ఉన్నారు.  మృతురాలిని నెల్లూరు జిల్లా కోవూరు మండలం లేగుంటపాడుకు చెందిన కరీమాగా గుర్తించారు. బాధితులను గూడూరు ఏరియా ఆసుపత్రకి తరలించారు. క్షతగాత్రుల్లో కొంత మంది పరిస్థితి ఆందోళనకరంగా ఉందని తెలుస్తోంది. నెల్లూరు నుంచి తిరుపతికి వెళ్తున్న ఆర్టీసీ బస్సు మనుబోలు సమీపంలోకి రాగానే టైర్ పంక్చర్ అయ్యింది. దీంతో ఒక్కసారిగా బోల్తా పడింది. ఈ సమయంలో రహదారి పక్కనే విద్యుత్తు స్తంబం ఉండటంతో బస్సు మరో మారు పల్టీ కొట్టకుండా ఆగిందని కండక్టర్‌ హసీఫుద్దీన్‌ తెలిపాడు.