Gold Smuggling: శంషాబాద్‌ ఎయిర్‌పోర్టులో 7కిలోలకు పైగా బంగారం స్వాధీనం

శంషాబాద్‌: శంషాబాద్‌ ఎయిర్‌పోర్టులో భారీగా బంగారాన్ని కస్టమ్స్‌ అధికారులు స్వాధీనం చేసుకున్నారు. దుబాయ్‌ నుంచి వచ్చిన ముగ్గురు ప్రయాణికులను పక్కా సమాచారంతో అదుపులోకి తీసుకుని తనిఖీలు నిర్వహించారు. వారి లగేజీని తనిఖీ చేయగా కడ్డీల రూపంలో అక్రమంగా 7 కిలోలకు పైగా బంగారాన్ని తరలిస్తున్నట్లు గుర్తించి స్వాధీనం చేసుకున్నారు. ఈ మేరకు కస్టమ్స్‌ అధికారులు తెలిపారు. 

స్వాధీనం చేసుకున్న బంగారం విలువ సుమారు మూడున్నర కోట్లు ఉంటుందని అధికారులు అంచనా వేస్తున్నారు. ఈ మేరకు నిందితులపై కేసు నమోదు చేసి దర్యాప్తు చేస్తున్నట్లు కస్టమ్స్‌ డిప్యూటీ కమిషనర్‌ అశోక్‌ తెలిపారు.