Updated : 18 Nov 2021 06:42 IST

Shalu Chourasiya: పొదల్లోకి తోసి లైంగిక దాడికి యత్నించాడు

షాలూ చౌరాసియా

మాదాపూర్‌, న్యూస్‌టుడే: కేబీఆర్‌ పార్క్‌లో దుండగుడు నాపై తీవ్రంగా దాడి చేశాడు... తలను బండరాయికి కొట్టడంతో తీవ్రగాయమై నేను స్పృహ కోల్పోయాను. పొదల్లోకి తోసి నాపై లైంగిక దాడికి యత్నించగా స్పృహ వచ్చింది. తీవ్రంగా ప్రతిఘటించి తప్పించుకున్నాను. నా కాలు కూడా విరిగిందంటూ సినీనటి షాలూ చౌరాసియా ఆవేదన వ్యక్తం చేశారు. ఈనెల 14న రాత్రి కేబీఆర్‌ పార్క్‌లో తనపై జరిగిన దాడి వివరాలను బుధవారం ఆమె కొండాపూర్‌ శ్రీరాంనగర్‌ కాలనీలోని ఇంట్లో మీడియాకు వెల్లడించారు. గత మూడేళ్లుగా రోజు సాయంత్రం కేబీఆర్‌లో వాకింగ్‌కు వెళ్తున్నాను. ఈనెల 14న సాయంత్రం 6 గంటల ప్రాంతంలో వాకింగ్‌కు వెళ్లాను. రాత్రి 8 గంటల ప్రాంతంలో తిరిగి వాహనం వద్దకు వస్తుండగా వెనుక నుంచి గుర్తుతెలియని వ్యక్తి దాడి చేశాడు. నా రెండు చేతులు వెనక్కి పట్టుకొని డబ్బులివ్వాల్సిందిగా డిమాండ్‌ చేశాడు. గట్టిగా అరిస్తే ముఖం, మూతిపై పిడిగుద్దులు కురిపించాడు. నగదు లేదని రూ.10 వేలు ఫోన్‌ పే చేస్తానని ఫోన్‌ నెంబర్‌ అడిగాను. అతను తన నెంబర్‌ చెప్పేందుకు తడబడ్డాడు. నేను 100కు డయల్‌ చేసే ప్రయత్నం చేశాను. గమనించిన అతను నా ఫోన్‌ లాక్కున్నాడు. పక్కనే ఉన్న బండరాయిపై నా తలను గట్టిగా బాదాడు. కొద్ది సేపు స్పృహ కొల్పోవడంతో పొదల్లోకి తోసి లైంగిక దాడికి యత్నించగా నాకు స్పృహవచ్చి ప్రతిఘటించాను. నాపై బండరాయి విసరగా రెప్పపాటులో తప్పుకొన్నాను. చంపి నిప్పు పెడతానంటూ బెదిరించాడు. అతికష్టం మీద తప్పించుకున్నాను. కేబీఆర్‌ పార్క్‌ ఫెన్సింగ్‌ ఎక్కి ప్రాణాలతో బయటపడ్డాను. నాపై దాడి చేసిన వ్యక్తిని పట్టుకునేందుకు పోలీసులు శ్రమిస్తున్నారు. కేబీఆర్‌ పార్క్‌లో విద్యుద్దీపాలు ఏర్పాటు చేయాలి. మహిళలు బయటకు వచ్చినప్పుడు పెప్పర్‌స్ప్రే దగ్గర ఉంచుకోవాలి.


Read latest Crime News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని