Accident: కారును ఢీకొట్టి పాదచారులపైకి దూసుకెళ్లిన ట్రక్కు.. ఆరుగురి దుర్మరణం!

ఉన్నావ్‌‌: యూపీలో ఘోర రోడ్డు ప్రమాదం(Road accident) చోటుచేసుకుంది. రోడ్డుపై వేగంగా ప్రయాణిస్తున్న ఓ ట్రక్కు కారును ఢీకొట్టి పాదచారుల(pedestrians)పైకి దూసుకెళ్లింది. ఉన్నావ్‌(Unnao) జిల్లాలోని లఖ్‌నవూ-కాన్పూర్‌ హైవేపై జరిగిన ఈ ఘటనలో ఆరుగురు ప్రాణాలు కోల్పోగా, పలువురికి గాయాలైనట్టు సమాచారం. అలాగే, ట్రక్కు ఢీకొట్టిన కారులో నలుగురు నుంచి ఐదుగురి ఉన్నట్లు తెలుస్తోంది. వారిని సురక్షితంగా బయటకు తీసేందుకు క్రేన్‌ సాయంతో సహాయక చర్యలు చేపట్టారు. క్షతగాత్రులను చికిత్స నిమిత్తం ఆస్పత్రికి తరలించారు. అచల్‌గంజ్‌ పోలీస్‌ స్టేషన్‌ పరిధిలో చోటుచేసుకున్న ఈ ఘటనపై సమాచారం తెలియడంతో అసిస్టెంట్‌ ఎస్పీ శశి శేఖర్‌ సింగ్‌ అక్కడికి చేరుకొని సహాయక చర్యల్ని పర్యవేక్షించారు.