Khammam: ఇంటర్‌ విద్యార్థిని అనుమానాస్పద మృతి.. కళాశాల వద్ద ఉద్రిక్తత

ఖమ్మం విద్యావిభాగం: నగరంలోని ఎస్‌ఆర్‌ జూనియర్‌ కళాశాలలో ఇంటర్ ప్రథమ సంవత్సరం చదువుతున్న ఎంపీసీ విద్యార్థిని పల్లవి అనుమానాస్పద స్థితిలో మృతి చెందింది.  ఆదివారం ఉదయం కాలేజీలో ప్రత్యేక తరగతులకు హాజరైన పల్లవి తీవ్ర అస్వస్థతతకు గురైంది. వెంటనే ప్రైవేటు ఆసుపత్రికి తరలించగా.. అప్పటికే మృతి చెందినట్లు వైద్యులు తెలిపారు. విద్యార్థిని మృతదేహాన్ని ఖమ్మం ప్రభుత్వాసుపత్రిలో ఉంచారు. విషయం తెలుసుకున్న విద్యార్థి సంఘాలు కళాశాల ఎదుట ఆందోళనకు దిగాయి. విద్యార్థులను పోలీసులు అడ్డుకున్నారు. పల్లవి స్వస్థలం భద్రాద్రి కొత్తగూడెం జిల్లా పాల్వంచ అని పోలీసులు తెలిపారు.