Andhra News: పెదబయలు తహసీల్దార్‌ ఆత్మహత్య

పెదబయలు రూరల్‌: అల్లూరి సీతారామరాజు జిల్లా పెదబయలులో విషాదం చోటుచేసుకుంది. మండల తహసీల్దార్‌ శ్రీనివాసరావు ఆత్మహత్య చేసుకున్నారు. ఉదయం కార్యాలయానికి వచ్చిన ఆయన.. టిఫిన్‌ తీసుకురావాలని అటెండర్‌కు సూచించారు. అటెండర్‌ తిరిగి కార్యాలయానికి వెళ్లే సరికి పక్కనే ఉన్న ఓ షెడ్‌లో శ్రీనివాసరావు ఉరివేసుకుని మృతిచెందడాన్ని గుర్తించారు.  

ఇటీవల పాడేరు కలెక్టరేట్‌లో జరిగిన సమావేశానికి తహసీల్దార్‌ శ్రీనివాసరావు వెళ్లారు. ఈ సమావేశంలో భూముల రీసర్వే విషయంలో ఉన్నతాధికారులు ఆయనపై ఆగ్రహం వ్యక్తం చేసినట్లు సమాచారం. ఈ క్రమంలోనే తహసీల్దార్‌ మనస్తాపం చెంది ఆత్మహత్య చేసుకున్నట్లు తెలుస్తోంది. ఈ ఘటనపై అధికారికంగా వివరాలు వెల్లడి కావాల్సి ఉంది.