UP: లైంగికంగా వేధించి..రెండోఅంతస్తు నుంచి తోసి..

17ఏళ్ల బాలికను లైంగికంగా వేధించి..రెండంతస్తుల భవనంపై నుంచి కిందికి తోసిన ఘటన ఉత్తర్‌ప్రదేశ్‌లోని మధురలో చోటుచేసుకుంది.

Published : 23 Jun 2021 16:23 IST

సీసీటీవీలో రికార్డయిన షాకింగ్ దృశ్యాలు

మధుర: 17ఏళ్ల బాలికను లైంగికంగా వేధించి..రెండంతస్తుల భవనంపై నుంచి కిందికి తోసిన ఘటన ఉత్తర్‌ప్రదేశ్‌లోని మధురలో చోటుచేసుకుంది. ఆ ఘటనలో బాధితురాలి వెన్నెముక విరిగిపోయిందని వైద్యులు వెల్లడించారు. సోమవారం రాత్రి చాతా ప్రాంతంలో సీసీటీవీలో రికార్డయిన ఈ షాకింగ్ దృశ్యాలు ఆలస్యంగా వెలుగులోకి వచ్చాయి. బాలికను రోడ్డుపైకి తోసి, నిందితులు పారిపోతున్న దృశ్యాలు వాటిలో రికార్డయ్యాయి. ఆ వెంటనే బాధితురాలిని ఆసుపత్రికి తరలించగా..ఈ ఘటనలో ఆమె వెన్నెముక విరిగినట్లు వైద్యులు తెలిపారు. దీనిపై ఆమె తండ్రి పోలీసులకు ఫిర్యాదు చేశారు. దానిలో ముగ్గురు నిందితుల పేర్లు వెల్లడించారు. వారు గత కొద్దినెలలుగా బాలికను వేధిస్తున్నట్లు ఫిర్యాదు చేశారు. 

‘ఆ ముగ్గురిలో ఒకవ్యక్తి సోమవారం రాత్రి నాకు ఫోన్ చేశాడు. నా కుమార్తెతో మాట్లాడించాలని బెదిరించాడు. కుదరదని చెప్పడంతో.. చాలా అసభ్యంగా నిందించాడు. ఆ వెంటనే ఆ ముగ్గురు మా ఇంట్లోకి దూసుకువచ్చి నా కుమార్తెను లైంగికంగా వేధించి, తమతో తీసుకెళ్లేందుకు ప్రయత్నించారు. మేమంతా గట్టిగా అరిచి, అడ్డుకోవడంతో తనను రెండో అంతస్తు నుంచి కిందికి తోసేశారు’ అంటూ ఆ బాలిక తండ్రి వాపోయారు. ఈ ఘటనకు సంబంధించి ఇప్పటికే ఇద్దరు నిందితులను అదుపులోకి తీసుకున్నట్లు పోలీసులు వెల్లడించారు.  

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts