Ts News: నకిలీ పత్రాలతో ఐఓబీకి టోకరా

హైదరాబాద్‌: నకిలీ పత్రాలతో ఇండియన్‌ ఓవర్‌సీస్‌ బ్యాంక్‌(ఐఓబీ)కు టోకరా వేశారు. ప్రధానమంత్రి ఉద్యోగ కల్పన పథకం (పీఎంఈజీపీ) కింద నకిలీ పత్రాలు సృష్టించి రూ.1.39 కోట్లు రుణాలు తీసుకున్న నిందితులను హైదరాబాద్ సీసీస్ పోలీసులు అరెస్టు చేశారు. ఈ పథకం పేరిట ఐఓబీలో నకిలీ ఇన్‌వాయిస్‌లు, అగ్రిమెంట్లు సృష్టించి 8 మంది రుణాలు తీసుకున్నారు. దీనిపై ఐఓబీ చీఫ్ రీజినల్ మేనేజర్ సీసీఎస్‌ పోలీసులకు ఫిర్యాదు చేశారు. కేసు నమోదు చేసుకొన్న పోలీసులు దర్యా్ప్తు మొదలుపెట్టారు. ఫోన్ సిగ్నల్స్‌ ఆధారంగా హైదరాబాద్‌కి చెందిన కీలక సూత్రధారి శ్రీనివాస్ నాయక్‌తో పాటు మరో వ్యక్తి రవిని అరెస్ట్ చేశారు. నిందితులిద్దరినీ రిమాండ్‌కి తరలించినట్లు పోలీసులు తెలిపారు.