TS News: విక్స్‌ డబ్బా మింగి ఊపిరాడక చిన్నారి మృతి

నార్కట్‌పల్లి: నల్గొండ జిల్లా నార్కట్‌పల్లి మండలం తొండ్లాయి గ్రామంలో విషాదం చోటు చేసుకుంది. విక్స్‌ డబ్బా మింగి ఊపిరాడక ఓ పసికందు మృతి చెందాడు. ఈ ఉదయం ఏడు నెలల బాలుడు ఆడుకుంటూ ప్రమాదవశాత్తూ విక్స్ డబ్బాను నోట్లో పెట్టుకొని మింగేశాడు. గమనించిన తల్లిదండ్రులు చిన్నారిని ఆస్పత్రికి తీసుకెళుతుండగానే మార్గం మధ్యలో మృతిచెందాదు. దీంతో బాలుడి తల్లిదండ్రులు కన్నీరుమున్నీరుగా విలపిస్తున్నారు. చిన్నారి మృతితో గ్రామంలో విషాదఛాయలు అలుముకున్నాయి.