Murder: అరెకరం కోసం ఘర్షణ.. ఒకే కుటుంబానికి చెందిన నలుగురు హత్య

కర్ణాటకలో దారుణం

బాగలకోటె, న్యూస్‌టుడే: అర ఎకరం భూమి కోసం రెండు వర్గాల నడుమ జరిగిన ఘర్షణలో ఒకే కుటుంబానికి చెందిన నలుగురు హత్యకు గురయ్యారు. కర్ణాటకలోని బాగలకోటె జిల్లా జమఖండి తాలూకా మధురఖండి గ్రామంలో శనివారం సాయంత్రం ఈ దారుణం వెలుగుచూసినట్లు బాగలకోటె పోలీసులు తెలిపారు. హతులను అన్నదమ్ములైన బసవరాజ్‌ ముదరడ్డ్డి (36), ఈశ్వర్‌ ముదరడ్డి (40), మల్లప్ప ముదరడ్డి (44), హనుమంత ముదరడ్డిగా (48) గుర్తించారు. రెండు వర్గాల నడుమ అర ఎకరా భూమి కోసం పదేళ్లుగా వివాదం కొనసాగుతోంది. శనివారం ప్రత్యర్థి వర్గానికి చెందిన వ్యక్తులు దాడిచేసి నలుగురు సోదరులను హతమార్చారు. ఈ సంఘటనలో పోలీసులు తొమ్మిది మందిని అరెస్టు చేశారు.