Suicide: పండక్కి కొడుకు రాలేదని తల్లి ఆత్మహత్య

అమీర్‌పేట, న్యూస్‌టుడే: దీపావళికి కుమారుడు, కోడలు ఇంటికి రాలేదనే మనస్తాపంతో తల్లి ఉరేసుకుని ఆత్మహత్యకు పాల్పడింది. ఎస్సార్‌నగర్‌ సీఐ సైదులు వివరాల ప్రకారం.. మోడల్‌కాలనీకి చెందిన దండ బుచ్చిబాబు, సుజాత(53) కుమారుడు యోగకు గత ఆగస్టులో వివాహమైంది. సాఫ్ట్‌వేర్‌ ఇంజినీర్లు అయిన కుమారుడు, కోడలు విశాఖపట్నంలో స్థిరపడ్డారు. దీపావళికి రావాలని సుజాత కోరగా సెలవు లేక వారు రాలేదు. మనస్తాపానికి గురైన ఆమె అప్పట్నుంచి ముభావంగా ఉంటోంది. గురువారం తెల్లవారుజామున భర్త పెంట్‌హౌస్‌లో నిద్రపోగా.. సుజాత కింది అంతస్తులో గదిలోకి వెళ్లి ఫ్యాన్‌కు చీరతో ఉరేసుకుని ఆత్మహత్యకు పాల్పడింది. భర్త ఫిర్యాదు మేరకు కేసు నమోదు చేశారు.