TS News: క్వారీలో టిప్పర్‌ బోల్తా.. ముగ్గురి మృతి

కాజీపేట: హనుమకొండ జిల్లా కాజీపేట మండలం తరాలపల్లి శివారు గాయత్రి క్వారీలో విషాదం చోటు చేసుకుంది. టిప్పర్ లారీ బోల్తా పడి ముగ్గురు దుర్మరణం చెందారు. మహబూబాబాద్ జిల్లా కేసముద్రం మండలం ఇనుగుర్తికి చెందిన చందు, గూడురు మండలం బొద్దుగొండకు చెందిన ముఖేష్, జార్ఖండ్‌కు చెందిన అఖీమ్.. ఈ ప్రమాదంలో మృతి చెందారు. వేగంగా వచ్చిన టిప్పర్ అదుపుతప్పి క్వారీలో పనిచేస్తున్న ముగ్గురిపై పడటంతో ఘటన చోటు చేసుకుంది. ఘటనా స్థలంలోనే ఒకరు మృతిచెందగా.. మరో ఇద్దరు ఆసుపత్రిలో చికిత్స పొందుతూ చనిపోయారు. మృతదేహాలను ఎంజీఎం ఆస్పత్రికి తరలించారు. ఘటనపై మడికొండ పోలీసులు కేసు నమోదు చేసి దర్యాప్తు చేస్తున్నారు.