Drugs: పొట్టలో భారీగా డ్రగ్స్.. వీడొక్కడే సినిమా సీన్ రిపీట్!
బెంగళూరు విమానాశ్రయంలో భారీగా మాదకద్రవ్యాలను స్వాధీనం చేసుకున్నారు.
బెంగళూరు: డ్రగ్స్ అక్రమ రవాణాలో కేటుగాళ్లు రోజుకో పద్ధతిని అనుసరిస్తున్నారు. బట్టలు, పుస్తకాలు, లోదుస్తులు, ఎలక్ట్రానిక్ పరికాలు.. ఇలా వినూత్న రీతిలో మాదకద్రవ్యాలను తరలిస్తున్న దుండగులు.. ఒంటిని సైతం సాధనంగా మార్చుకుంటున్నారు. ఓ రకంగా చెప్పాలంటే తమ జీవితాలనే పణంగా పెడుతున్నారు. సూర్య, తమన్నా జంటగా నటించిన ‘వీడొక్కడే’ సినిమా గుర్తుంది కదా! అందులో సూర్య స్నేహితుడు విలన్తో చేతులు కలిపి డ్రగ్స్ రవాణా చేస్తాడు. డబ్బులకు కక్కుర్తి పడి ఏకంగా పొట్టలో డ్రగ్స్ పొట్లాలను దాచి పెట్టుకొని రవాణా చేస్తాడు. తాజాగా బెంగళూరు విమానాశ్రయంలోనూ ఇదే తరహా ఘటన వెలుగు చూసింది. వివరాల్లోకి వెళితే..
ఆఫ్రికాకు చెందిన ఓ వ్యక్తి పొట్టలో రూ.11 కోట్ల విలువైన కొకైన్ ఉంచినట్లు విమానాశ్రయంలోని ‘డైరెక్టరేట్ ఆఫ్ రెవెన్యూ ఇంటెలిజెన్స్(డీఆర్ఐ)’ భద్రతా సిబ్బంది గుర్తించారు. దుబాయ్ నుంచి బెంగళూరు వచ్చిన సదరు వ్యక్తి విమానంలో ఆహారం, నీరు తీసుకోకపోవడంతో అతడిపై భద్రతా సిబ్బందికి అనుమానం వచ్చింది. దీంతో ఆ వ్యక్తిని స్కాన్ చేయగా పొట్టలో భారీగా కొకైన్ ఉన్నట్లు గుర్తించారు. దక్షిణాఫ్రికాకు చెందిన ఆ వ్యక్తిని తర్వాత ఆసుపత్రికి తరలించారు. నిందితుడు తొలుత నేరాన్ని అంగీకరించలేదు. తర్వాత కడుపులో ఇబ్బందిగా ఉండడంతో ఆసుపత్రికి తీసుకెళ్లాలని పోలీసులను కోరాడు. ఆసుపత్రిలో వైద్యుల పర్యవేక్షణలో కొకైన్ పొట్లాలను బయటకు తీశారు. అయితే, వాటిని తీసుకోవడానికి వచ్చే వారి వివరాలను మాత్రం నిందితుడు బయటకు వెల్లడించలేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పోలీసుస్టేషన్ ఆవరణలోనే తెదేపా కార్యకర్తపై దాడి
పోలీసు స్టేషన్ ఆవరణలో వైకాపా నాయకులు హల్చల్ చేశారు. పల్నాడు జిల్లా దాచేపల్లి మండలం పొందుగల గ్రామానికి చెందిన కొందరు వైకాపా నాయకులు తెదేపా కార్యకర్త యూసఫ్పై స్టేషన్ ఆవరణలోనే దాడి చేశారు. -
బాలుడి పొట్టలోకి గాలికొట్టిన ఆకతాయి
ఓ ఆకతాయి వికృత చేష్టలకు గురైన బాలుడు తీవ్ర అస్వస్థతతో ఆసుపత్రిలో చికిత్స పొందుతున్నాడు. పోలీసుల కథనం.. శ్రీపొట్టి శ్రీరాములు నెల్లూరు జిల్లా వెంకటాచలం మండలం అనికేపల్లికి చెందిన బాలుడు(12) బుధవారం సాయంత్రం తోటి పిల్లలతో కలిసి వాలీబాల్ ఆడుతుండగా బంతిలో గాలి తగ్గింది. -
వైకాపా నాయకుడి బార్లో.. రూ.1.30 కోట్ల మద్యం స్వాధీనం
శ్రీపొట్టి శ్రీరాములు నెల్లూరు జిల్లా అల్లూరులో సెబ్ అధికారులు భారీగా మద్యం స్వాధీనం చేసుకున్నారు. -
గులకరాయి కేసులో నిందితుడిని కస్టడీకి తీసుకున్న పోలీసులు
గులకరాయి కేసులో నిందితుడు సతీష్కుమార్ను పోలీసులు తమ కస్టడీకి తీసుకున్నారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా