Road Accident: ప్రైవేటు బస్సు బోల్తా: 17 మందికి తీవ్ర గాయాలు

నిర్మల్‌ గ్రామీణ: నిర్మల్‌ జిల్లాలో రోడ్డు ప్రమాదం జరిగింది. కొండాపూర్‌ బైపాస్‌ వద్ద ఓ ప్రైవేటు బస్సు బోల్తా పడింది. ఈ ప్రమాదంలో బస్సులోని 17 మందికి తీవ్ర గాయాలయ్యాయి. మరో 15 మంది స్వల్పంగా గాయపడ్డారు. క్షతగాత్రులను నిర్మల్‌ ఏరియా ఆస్పత్రికి తరలించి చికిత్స అందిస్తున్నారు. బస్సు హైదరాబాద్‌ నుంచి యూపీ వెళ్తుండగా ఈ ప్రమాదం జరిగింది. ఘటన జరిగిన సమయంలో బస్సులో 80 మంది ప్రయాణికులు ఉన్నట్లు సమాచారం. డ్రైవర్‌ నిద్రమత్తే ప్రమాదానికి కారణమని భావిస్తున్నారు. ఘటనపై కేసు నమోదు చేసి దర్యాప్తు చేస్తున్నట్లు నిర్మల్‌ గ్రామీణ ఎస్సై వినయ్‌ తెలిపారు.