Telugu Akademi Scam: కస్టడీలో మస్తాన్‌ వలీ.. ఎంత సొమ్ము ఖాతాలోకి జమ చేసుకున్నారు?

హైదరాబాద్: తెలుగు అకాడమీ నిధుల గోల్ మాల్ కేసులో సీసీఎస్ పోలీసుల దర్యాప్తు కొనసాగుతోంది. ఇప్పటికే 10 మందిని అరెస్ట్ చేసిన పోలీసులు కీలకంగా వ్యవహరించిన యూబీఐ మేనేజర్ మస్తాన్ వలీని కస్టడీలోకి తీసుకున్నారు. 6 రోజుల కస్టడీలో భాగంగా మొదటి రోజు మస్తాన్‌ వలీని పోలీసులు ప్రశ్నించారు. మిగిలిన నిందితులతో కలిసి నిధులు గోల్ మాల్ చేసిన వ్యవహారంలో తీసుకున్న కమీషన్ గురించి ప్రశ్నించారు. కొల్లగొట్టిన నిధుల్లో ఎంత సొమ్ము ఖాతాలోకి జమ చేసుకున్నారని ప్రశ్నించారు. ఈ కేసులో మరో 8 మందిని సీసీఎస్‌ పోలీసులు అనుమానిస్తున్నారు. వారిని కూడా అదుపులోకి తీసుకొని విచారించనున్నారు. మరో వైపు స్వాహా చేసిన సొత్తుతో నిందితులు కొన్న ఆస్తులు, ఇచ్చిన అప్పులు, స్థిరాస్తి వ్యాపారంలో పెట్టుబడులు తిరిగి ఎలా స్వాధీనం చేసుకోవాలనేదానిపై పోలీసులు న్యాయసలహా కోరనున్నట్లు సమాచారం.