TS News: పాల్వంచలో కుటుంబం ఆత్మహత్య ఘటన.. మరో విషాదం

ఖమ్మం: భద్రాద్రి కొత్తగూడెం జిల్లా పాత పాల్వంచలో సోమవారం జరిగిన నాగ రామకృష్ణ కుటుంబం ఆత్మహత్య ఉదంతంలో మరో విషాదం చోటు చేసుకుంది. మృత్యువుతో పోరాడుతూ కొత్తగూడెం ఆస్పత్రిలో చికిత్స పొందుతున్న రామకృష్ణ చిన్న కుమార్తె సాహితీ ఈరోజు ఉదయం మృతి చెందింది. భార్య, పిల్లలకు నిప్పంటించి రామకృష్ణ ఆత్మహత్యకు పాల్పడిన విషయం తెలిసిందే. ఈ ఘటనలో రామకృష్ణ, శ్రీలక్ష్మి దంపతులు, పెద్దకుమార్తె సాహిత్య సజీవదహనమయ్యారు. కాగా తన ఆత్మహత్యకు తెరాస నేత వనమా రాఘవేంద్రరావే ప్రధాన కారణమని రామకృష్ణ సూసైడ్‌ నోట్‌లో పేర్కొన్న నేపథ్యంలో పోలీసులు ఎఫ్‌ఐఆర్‌లో అతన్ని ఏ2గా చేర్చారు.