Crime News: భూవివాదం నేపథ్యంలో హింస.. బాంబులతో దాడి!

పూరీ: ఒడిశాలో పూరీ జిల్లాలోని నాథపుర్ గ్రామంలో భూవివాదం హింసాత్మకంగా మారింది. గ్రామంపై కొందరు దుండగులు 20కిపైగా బాంబులు విసిరారు. ఈ ఘటనలో 30 ఇళ్లు దగ్ధమయ్యాయి. నాథపుర్ గ్రామంలో.. 35 మౌజా ప్రాంతంలోని ఓ భూ వివాదం నేపథ్యంలో దుండగులు ఈ బాంబు దాడులకు పాల్పడ్డారని అధికారులు తెలిపారు. ఈ ఘటనలో 30 ఇళ్లు దగ్ధమవ్వగా.. పలు వాహనాలు దెబ్బతిన్నాయని, పలువురికి గాయాలయ్యాయని వివరించారు. దాడి సమాచారం తెలిసిన వెంటనే పూరీ అదనపు ఎస్పీ నేతృత్వంలో గ్రామానికి చేరుకున్న పోలీసులు పరిస్థితిని అదుపులోకి తెచ్చారు. గ్రామంలో శాంతి భద్రతలను పరిరక్షించేందుకు పోలీసులను భారీగా మోహరించారు.