Andhra News: తిరుమలలో కిడ్నాపైన బాలుడి ఆచూకీ లభ్యం

తిరుపతి: తిరుమల ఆలయంలో కిడ్నాప్‌నకు గురైన బాలుడి ఆచూకీ లభ్యమైంది. తిరుమల కమాండ్‌ కంట్రోల్‌ రూమ్‌లో చిన్నారి క్షేమంగా ఉన్నాడు. బాలుడిని తల్లిదండ్రులకు అప్పగించేందుకు పోలీసులు సిద్ధమయ్యారు. ఈ నెల 3న తిరుమల అఖిలాండం వద్ద బాలుడు కిడ్నాప్‌కు గురయ్యాడు. అనంతరం కిడ్నాపర్‌ పవిత్ర బాలుడిని తీసుకొని మైసూర్‌ వెళ్లింది. అక్కడ ఉన్న తన తల్లిదండ్రుల వద్దకు బాలుడిని తీసుకెళ్లింది.

చిన్నారిని ఎందుకు తీసుకొచ్చావని పవిత్ర తల్లిదండ్రులు ఆమెను ప్రశ్నించారు. అనంతరం తిరుమలకు వచ్చి బాలుడిని తితిదే విజిలెన్స్‌కు పోలీసులకు వారు అప్పగించారు. మతిస్థిమితం లేక బాలుడిని తమ కూతురు తీసుకొచ్చిందని పోలీసులకు కిడ్నాపర్‌ పవిత్ర తల్లిదండ్రులు చెప్పారు. అనంతరం బాలుడిని తల్లికి అప్పగించారు. తన వద్దకు బాలుడు తిరిగి చేరడంతో ఆ తల్లి ఆనందంతో ఉప్పొంగిపోయింది.