TSPSC: టీఎస్‌పీఎస్సీ పేపర్‌ లీకేజ్‌.. లావాదేవీలపై సిట్‌ ఆరా

హైదరాబాద్‌: టీఎస్‌పీఎస్సీ పేపర్‌ లీకేజ్‌ వ్యవహారంలో సిట్‌ దర్యాప్తు కొనసాగుతోంది. ఆరు రోజుల కస్టడీలో భాగంగా ఐదో రోజు నిందితులను సిట్‌ అధికారులు విచారిస్తున్నారు. నిందితులు రాజశేఖర్‌రెడ్డి, ప్రవీణ్‌, రేణుక దంపతుల బ్యాంక్‌ స్టేట్‌మెంట్లను పోలీసులు పరిశీలిస్తున్నారు. గత కొంతకాలంగా జరిగిన లావాదేవీలపై సిట్‌ బృందం ఆరా తీస్తోంది. 

మంగళవారం ఏపీపీఎస్సీలోని కాన్ఫిడెన్షియల్‌ సెక్షన్‌ సూపరింటెండెంట్‌ శంకరలక్ష్మి నుంచి మరికొన్ని వివరాలు సేకరించిన సిట్‌.. ఆమె చెప్పిన వివరాలతో నేడు ప్రవీణ్‌ణు విచారిస్తోంది. టీఎస్‌పీఎస్సీలోని మరికొంతమంది ఉద్యోగులకు కూడా నోటీసుల ఇచ్చేందుకు సిట్‌ అధికారులు సిద్ధమవుతున్నట్లు తెలుస్తోంది. ప్రధాన నిందితులతో సంప్రదింపులు జరిపిన వారి కాల్‌ డేటా ఆధారంగా వివరాలు సేకరిస్తున్నారు.