Road Accident: 5 రోజుల్లో పెళ్లి.. రోడ్డు ప్రమాదంలో వరుడి మృతి!

అల్లూరు: మరో ఐదు రోజుల్లో ఆ యువకుడి పెళ్లి. ఏడు అడుగుల బంధంతో సరికొత్త జీవితం ప్రారంభించేందుకు.. చకచకా అన్ని ఏర్పాట్లూ జరుగుతున్నాయి. బంధుమిత్రులందరికీ వివాహా ఆహ్వాన పత్రికలు సైతం పంచి పెట్టారు. కానీ అంతలోనే రోడ్డు ప్రమాదం రూపంలో ఆ యువకుడిని విధి బలి తీసుకోవడం.. కుటుంబసభ్యుల్ని తీవ్ర దిగ్భ్రాంతికి గురి చేసింది. కర్నూలు జిల్లా అల్లూరు సమీపంలో రెండు ద్విచక్ర వాహనాలు ఢీకొని.. సోమశేఖర్, నాగరాజు అనే ఇద్దరు యువకులు దుర్మరణం చెందారు. సోమశేఖర్‌కు ఈ నెల 12న వివాహం జరగాల్సి ఉంది. మరో మృతుడు నాగరాజుకు భార్య, ఇద్దరు పిల్లలు ఉన్నారు. వారి మరణంతో ఇరు కుటుంబాల్లో విషాద ఛాయలు అలముకున్నాయి.