Andhra News: పింఛను డబ్బు తీసుకొని ప్రియురాలితో వాలంటీర్‌ పరారీ

బొల్లాపల్లి: పల్నాడు జిల్లా బొల్లాపల్లి మండలం మూగచింతలపాలెంలో ఓ వాలంటీర్‌ పింఛను డబ్బులు తీసుకొని ప్రియురాలితో పరారయ్యాడు. గ్రామ సచివాలయ సిబ్బంది ఈ విషయాన్ని వాలంటీర్‌ తండ్రి దృష్టికి తీసుకొచ్చారు. పింఛనుదారులు ఇబ్బంది పడకూడదని కుమారుడు తీసుకెళ్లిన మొత్తాన్ని వాలంటీర్‌ తండ్రి సచివాలయ సిబ్బందికి అందించారు. అనంతరం వారు లబ్ధిదారులకు పింఛన్లు పంపిణీ చేశారు. పెళ్లయి పిల్లలున్న వాలంటీర్‌ ఇలా చేయడంపై అమ్మాయి తరఫు బంధువులు పోలీసులకు ఫిర్యాదు చేశారు. గతంలోనూ వాలంటీర్‌ రవి పింఛన్లు సరిగా పంపిణీ చేయలేదనే ఆరోపణలున్నట్లు స్థానికులు చెబుతున్నారు.