Crime News: భర్త నాలుకను కొరికి, తెగ్గోసిన భార్య!

భర్త నాలుకను ఓ భార్య నోటితో కొరికి, తెగ్గోసిన ఘటన ఉత్తర్‌ప్రదేశ్‌ లఖ్‌నవూ జిల్లాలో జరిగింది. పోలీసులు తెలిపిన వివరాల ప్రకారం.. భర్త మున్నాతో వివాదం కారణంగా సల్మా అనే మహిళ పిల్లలతో కలిసి పుట్టింట్లో ఉంటోంది. భార్యాపిల్లలను తీసుకెళ్లడానికి మున్నా అత్తింటికి వచ్చాడు. భర్తతో వెళ్లడానికి సల్మా నిరాకరించింది. ఈ క్రమంలో ఇద్దరి మధ్య తీవ్ర వాగ్వాదం జరిగింది. కోపోద్రిక్తురాలైన భార్య.. భర్త నాలుకను నోటితో కొరికింది. తీవ్రంగా గాయపడిన మున్నా.. స్పృహ తప్పి పోయాడు. సమాచారం అందుకున్న పోలీసులు ఘటనా స్థలానికి చేరుకుని బాధితుడిని ఆస్పత్రికి తరలించారు. సల్మాను కస్టడీలోకి తీసుకున్నారు.