Crime News:గోదావరిఖని ప్రభుత్వ ఆసుపత్రిలో బాలింత ఆత్మహత్య

గోదావరిఖని: పెద్దపల్లి జిల్లా గోదావరిఖని ప్రభుత్వ ఆస్పత్రిలో ఓ బాలింత ఉరేసుకుని ఆత్మహత్యకు పాల్పడింది. కమాన్‌పూర్ మండలం రొంపికుంటకు చెందిన గుమ్మడి ఉమ.. 15 రోజుల క్రితం ప్రభుత్వాస్పత్రిలో ఓ మగబిడ్డకు జన్మనిచ్చింది. వారం రోజులకు ఆమెను డిశ్చార్జ్ చేయాల్సి ఉండగా.. శస్త్రచికిత్స సమయంలో వేసిన కుట్లు మానలేదు. దీంతో మళ్లీ ఆమెకు మూడు సార్లు కుట్లు వేయడంతో.. భరించలేని నొప్పితో ఉమ తల్లడిల్లినట్లు కుటుంబసభ్యులు చెబుతున్నారు. నొప్పి తట్టుకోలేకే ఆస్పత్రి బాత్‌రూంలో.. చీరతో ఉరేసుకుని ఆమె బలవన్మరణానికి పాల్పడినట్లు ఆవేదన వ్యక్తం చేశారు. ఉమ మృతికి వైద్యుల నిర్లక్ష్యమే కారణమంటూ.. ఆస్పత్రి ఎదుట ఆమె కుటుంబసభ్యులు, బంధువులు ఆందోళనకు దిగారు. బాధితులకు న్యాయం చేసి.. బాధ్యులైన అధికారులపై చర్యలు తీసుకోవాలని డిమాండ్ చేశారు.

► Read latest Crime News and Telugu News