ఇంట్లోకి చొరబడి మహిళపై కిరాతకం.. గ్యాంగ్‌రేప్‌ చేసి సిగరెట్లతో కాల్చారు!

ముంబయి: మహారాష్ట్ర రాజధాని ముంబయిలో దారుణం చోటుచేసుకుంది. ఓ మహిళ ఇంట్లోకి ప్రవేశించిన దుండగులు ఆమెపై పదునైన ఆయుధంతో దాడి చేసి అత్యాచారానికి పాల్పడిన ఘటన వెలుగు చూసింది. అంతటితో ఆగకుండా ఆ మహిళ రహస్య భాగాల్లో సిగరెట్‌తో కాల్చినట్లు పోలీసులు గుర్తించారు.

‘ముంబయి కుర్లాలో నివసిస్తోన్న ఓ 42ఏళ్ల మహిళ ఇంట్లోకి బుధవారం ఉదయం ఓ ముగ్గురు దుండగులు ప్రవేశించారు. ఆమెపై దాడి చేసి అత్యాచారానికి పాల్పడ్డారు. ఛాతి, భుజాలపై ఆయుధంతో దాడి చేశారు. అనంతరం బాధితురాలి ప్రైవేటు భాగాలను సిగరెట్లతో కాల్చారు. నిందితుల్లో ఒకడు ఈ ఘటననంతా మొబైల్‌లో చిత్రీకరించాడు. పోలీసులకు ఫిర్యాదు చేస్తే ఈ వీడియో వ్యాప్తి చేస్తామని బెదిరించాడు’ అని ముంబయిలోని కుర్లా పోలీసులు వెల్లడించారు.

అయితే, ఆ విషయాన్ని బాధితురాలు తన పొరుగువారికి చెప్పడంతో వారు పోలీసులకు సమాచారం ఇచ్చారు. ఈ మేరకు కేసు నమోదు చేసుకున్న కుర్లా పోలీసులు.. నిందితులపై కేసులు నమోదు చేసి దర్యాప్తు చేపట్టారు. నిందితులు కూడా బాధితురాలు నివాసముండే ప్రాంతానికి చెందిన వారుగా పోలీసులు అనుమానిస్తున్నారు.