Crime news: వైకాపా నేతల వేధింపులు తట్టుకోలేక దంపతుల ఆత్మహత్యాయత్నం..

నంద్యాల: వైకాపా నాయకులు, పోలీసులు వేధిస్తున్నారంటూ నంద్యాల జిల్లాలో దంపతులు ఆత్మహత్యాయత్నం చేశారు. బనగానపల్లె మండలం ఎర్రగుడికి చెందిన తలారి లక్ష్మీనారాయణ, ఆయన భార్య రాములమ్మ దంపతులను కొంతమంది నాయకుల పేర్లు చెబుతూ గత మూడు నెలల నుంచి ప్రతి విషయంలోనూ కేసులు పెట్టి వేధిస్తున్నారని, అందుకే ఆత్మహత్య చేసుకోవడానికి సిద్ధమయ్యారని కుటుంబ సభ్యలు ఆరోపిస్తున్నారు.  వేధింపులు తట్టుకోలేక పురుగుల మందుతాగి ఆత్మహత్య చేసుకోవాలని నిర్ణయించుకున్నారు. ఈ విషయం గుర్తించి ఇద్దరిని బనగానపల్లె ఆసుపత్రికి తరలించారు. ప్రస్తతుం అక్కడ చికిత్స పొందుతున్నారు. నాటు సారా కాస్తున్నారంటూ తరచూ వేధిస్తున్నారని ఎస్పీకి లేఖ రాసి ఆత్మహత్యాయత్నం చేశారు. గ్రామంలో ఇతరులు నాటు సారా విక్రయించినా తమపైనే కేసులు పెడుతున్నారని వాపోయారు.