ఇన్‌స్టాలో పరిచయమై.. బాలికను వేధించి..!

యువకుడి అరెస్ట్‌ చేసిన పోలీసులు

హైదరాబాద్‌: 12 ఏళ్ల బాలికను సామాజిక మాధ్యమాల వేదికగా వేధింపులకు పాల్పడుతున్న ఓ యువకుడిని పోలీసులు అరెస్టు చేశారు. కాలిఫోర్నియాలో బాలికను ఇన్‌స్టాగ్రామ్‌లో పరిచయం చేసుకున్న 27 ఏళ్ల సంతోష్‌ను సైబరాబాద్‌ సైబర్‌ క్రైం పోలీసులు అదుపులోకి తీసుకున్నారు. బాలికతో పరిచయం పెంచుకొని ఆపై ఫొటోలు సేకరించిన సంతోష్‌ ఆమెను బెదిరింపులకు గురిచేసేవాడు. అతడి వేధింపులను భరించలేని బాలిక ఈ విషయాన్ని తల్లిదండ్రులకు చెప్పడంతో వారు సైబర్‌ క్రైం పోలీసులకు ఆన్‌లైన్‌లో ఫిర్యాదు చేశారు. దీంతో రంగంలోకి దిగిన పోలీసులు యువకుడిని అరెస్టు చేశారు. నిజామాబాద్‌కు చెందిన సంతోష్‌ ఇంజినీరింగ్‌ పూర్తి చేసి ఉద్యోగం లేక ఖాళీగా ఉన్నట్టు సమాచారం.