Telangana news: వృద్ధురాలిపై యువకుడి పైశాచికత్వం.. రోడ్డుపై ఈడ్చుకుంటూ దాడి!

షాద్‌నగర్: మతిస్థిమితం లేని ఓ వృద్ధ యాచకురాలిపై.. యువకుడు విచక్షణ కోల్పోయి పైశాచికత్వంగా ప్రవర్తించాడు. రోడ్డుపై ఈడ్చుకుంటూ వెళ్లి.. దాడికి పాల్పడ్డాడు. రంగారెడ్డి జిల్లా షాద్‌నగర్ పురపాలికలో ఈ దారుణ ఘటన జరిగింది. ఫరూఖ్‌నగర్‌లో 70 ఏళ్ల సిద్ధమ్మ బిక్షాటన చేస్తూ జీవిస్తోంది. స్థానికులు ఆమెకు నిత్యం భోజనం అందిస్తుంటారు. వారు వృద్ధురాలికి గాయాలు కావడం గమనించి.. ఏం జరిగిందని ఆరా తీశారు. స్థానికంగా సీసీ కెమెరా దృశ్యాలు పరిశీలించారు. అదే పరిసరాల్లో డిగ్రీ చదువుతున్న యువకుడు పర్వేజ్.. వృద్ధురాలిపై దారుణంగా దాడి చేసినట్లు గుర్తించారు. పోలీసులకు సమాచారం ఇవ్వడంతో వారు యువకుడిని అదుపులోకి తీసుకుని విచారించారు. మతిస్థిమితం లేని వృద్ధురాలు తనపై ఇష్టానుసారంగా మాట్లాడటంతో.. సహనం కోల్పోయి దాడి చేసినట్లు యువకుడు చెప్పాడు.