Chirala: కర్రీ పాయింట్‌ నడిపే యువకుడి దారుణ హత్య

బాపట్ల జిల్లా చీరాలలో దారుణం చోటుచేసుకుంది. కర్రీ పాయింట్ నడిపే యువకుడు కంచర్ల సంతోష్‌ (33) హత్యకు గురయ్యాడు.

Updated : 23 Jun 2024 14:30 IST

చీరాల: బాపట్ల జిల్లా చీరాలలో దారుణం చోటుచేసుకుంది. కర్రీ పాయింట్ నడిపే యువకుడు కంచర్ల సంతోష్‌ (33) హత్యకు గురయ్యాడు. చిన్నా అనే వ్యక్తి అతడిని కత్తితో పొడిచి చంపాడు. పట్టణంలోని సంగం థియేటర్‌ సమీపంలో ఈ ఘటన చోటుచేసుకుంది. 

వివరాల్లోకి వెళితే.. సంతోష్‌ కర్రీ పాయింట్‌ నిర్వహిస్తుండగా, చిన్నా అరటి పండ్లు విక్రయిస్తూ జీవనం సాగిస్తున్నారు. ఆదివారం ఉదయం అరటిపండ్ల దుకాణం ఎదుట రోడ్డుపై నీటిని చిన్నా పారబోశాడు. ఆ నీళ్లు కర్రీ పాయింట్‌ వరకు వెళ్లాయి. దీంతో సంతోష్‌, చిన్నా మధ్య మాటామాటా పెరిగి ఘర్షణ జరిగింది. ఈ క్రమంలో చిన్నా కత్తితో సంతోష్‌ను పొడిచాడు. గమనించిన స్థానికులు క్షతగాత్రుడిని ఆస్పత్రికి తరలించగా అక్కడ చికిత్స పొందుతూ మృతి చెందాడు.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని