Updated : 26 Jun 2022 16:55 IST

Hyderabad: బాలికతో పెళ్లి చేయట్లేదని.. డీజిల్‌ పోసుకొని సజీవదహనం

హైదరాబాద్: నగరంలోని పాతబస్తీలో దారుణం జరిగింది. ప్రేమించిన బాలికను ఇచ్చి పెళ్లి చేయడం లేదని ఆమె ఇంటి ముందు ఒంటిపై డీజిల్ పోసుకుని జమాల్ అనే యువకుడు సజీవదహనం అయ్యాడు. వివరాల్లోకి వెళ్తే.. పాతబస్తీ ఫలక్‌నుమా పోలీస్‌స్టేషన్ పరిధిలోలని చష్మా ప్రాంతానికి చెందిన జమాల్ అనే యువకుడు తీగలకుంట ప్రాంతంలో పనిచేస్తున్నాడు. అదే ప్రాంతంలో ఉండే మైనర్ బాలికను ప్రేమించాడు. ఆమెను ఇచ్చి వివాహం చేయాలని కొద్ది రోజులుగా కోరుతున్నాడు. దీంతో బాలిక తండ్రి అతడిని మందలించాడు. పెళ్లికి నిరాకరిస్తే చనిపోతానని యువకుడు బెదిరించాడు.

శనివారం రాత్రి డీజిల్ క్యాన్‌తో బాలిక ఇంటికి వెళ్లిన జమాల్ పెళ్లి చేయాల్సిందిగా మరోసారి కోరాడు. యువకుడు డీజిల్‌తో రావడంతో భయపడిన బాలిక కుటుంబసభ్యులు లోపలికి వెళ్లి తలుపు వేసుకున్నారు. ఆ వెంటనే తనపై డీజిల్ పోసుకుని నిప్పంటించుకున్నాడు. మంటలు వ్యాపించి తీవ్రగాయాలపాలయ్యాడు. గమనించిన స్థానికులు మంటలార్పి ఆస్పత్రికి తరలించేలోపే మృతి చెందాడు. తన కుమార్తెను ప్రేమించినందుకే ఇంటికి పిలిచి హత్య చేశారని యువకుడి కుటుంబసభ్యులు ఆరోపిస్తున్నారు. మృతుడి సోదరుడి ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు.


Read latest Crime News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని