viveka murder case: రంగన్న వాంగ్మూలం తీసుకుని బస్టాండ్‌లో వదిలేశారు

పులివెందుల: మాజీమంత్రి వైఎస్‌ వివేకానందరెడ్డి హత్య కేసులో 47 రోజులుగా విచారణ జరుపుతున్న సీబీఐ అధికారులు కీలక ముందడుగు వేశారు. వివేకా ఇంటి వాచ్‌మెన్‌ రంగన్న వాంగ్మూలాన్ని జమ్మలమడుగు మేజిస్ట్రేట్‌ ముందు నమోదు చేయించారు. కడప నుంచి రంగన్నను తీసుకుని జమ్మలమడుగు వెళ్లిన సీబీఐ అధికారులు రంగన్న వాంగ్మూలం నమోదు చేశారు. సెక్షన్‌ 164 కింద రంగన్న వాంగ్మూలాన్ని  మేజిస్ట్రేట్‌ ఫక్రూద్దీన్‌ రికార్డు చేశారు. అనంతరం సీబీఐ అధికారులు రంగన్నను పులివెందుల బస్టాండ్‌లో వదిలి వెళ్లారు. అక్కడి నుంచి వాచ్‌మెన్‌ రంగన్న నడుచుకుంటూ ఇంటికి వెళ్లారు. కీలక కేసులో సాక్షులకు కల్పించే భద్రత ఇదేనా అంటూ అధికారుల తీరుపై పలువురు విమర్శలు గుప్పించారు.