Crime News: వైస్‌ ఎంపీపీ దారుణ హత్య.. కత్తితో నరికి చంపిన దుండగులు

శ్రీకాకుళం అర్బన్‌: శ్రీకాకుళం జిల్లా గార మండల వైస్‌ ఎంపీపీ, వైకాపా నేత రామశేషు దారుణ హత్యకు గురయ్యారు. శ్రీకూర్మంలోని తన గ్యాస్‌ గొడౌన్‌ వద్దకు వాకింగ్‌కు వెళ్తున్న సమయంలో దుండగులు ఆయన్ను హతమార్చారు. ముగ్గురు గుర్తు తెలియని వ్యక్తులు పల్సర్‌ బైక్‌పై వచ్చి కత్తితో మెడపై దాడి చేసి హతమార్చినట్లు తెలుస్తోంది. రామశేషు ఘటనాస్థలంలోనే మృతి చెందారు. రక్తపు మడుగులో పడి ఉన్న ఆయన మృతదేహాన్ని చూసి బంధువులు రోధించారు. పోలీసులు ఘటనాస్థలిని పరిశీలించారు. హత్యకు గల కారణాలపై ఆరా తీస్తున్నారు.  మంత్రి ధర్మాన ప్రసాదరావు కుమారుడు రామ్‌మనోహర్‌నాయుడు, స్థానిక వైకాపా నేతలు  ఘటనాస్థలాన్ని పరిశీలించారు.