కలుషితమా.. రసాయనమా..!

ఎప్పుడూ గలగలా పారే సుద్దవాగులో శుక్రవారం ఏవైనా ఫ్యాక్టరీల నుంచి రసాయనాలు వదిలారో.. లేదంటే కలుషిత పదార్థాలు కలిశాయో తెలియదుగాని నీటిపై తెల్లటి నురగలు కనిపించాయి. లోకేశ్వరం-అర్లి రహదారిలోని వంతెనపై నుంచి ప్రయాణించే వారంతా నురగలు చూసి ఆశ్చర్చానికి లోనయ్యారు. దగ్గర నుంచి చూస్తే నీటిపై తెల్లటి నురగ, దూరం నుంచి చూస్తే నీటిపై మబ్బులు వాలినట్లుగా కనిపించడంతో కాసేపు ఆగి పరిశీలించారు. ఇదే విషయాన్ని గడ్డెన్న వాగు డీఈఈ శ్రీనివాస్‌ను ‘న్యూస్‌టుడే’ అడగ్గా ప్రాజెక్టు నుంచి ఒక్క గేటు ద్వారా నీటిని వదిలామని, ప్రాజెక్టు వద్ద ఎలాంటి నురగ లేదని, ఎప్పటిలాగే నీరుందన్నారు. పట్టణం దాటిన తర్వాత ఏం కలిసిందో తెలియదన్నారు.

-న్యూస్‌టుడే, లోకేశ్వరం