వీరుల వారసులకు సన్మానం

కేంద్ర రైల్వేశాఖ మంత్రి అశ్విని వైష్ణవ్‌కు

కుమురం భీం చిత్రపటాన్ని అందిస్తున్న సోనేరావు

‘ఆజాదీకా అమృత్‌ మహోత్సవం’ కార్యక్రమంలో భాగంగా కేంద్రం స్వాతంత్య్ర సమరయోధులతో పాటు హక్కుల సాధనకు ఉద్యమించిన వీరుల త్యాగాలను స్మరించుకుంటూ వారి వారసులను సన్మానిస్తోంది. అందులో భాగంగా జల్‌, జంగల్‌, జమీన్‌ కోసం నిజాంకు వ్యతిరేకంగా ఉద్యమించిన ఆదివాసీ యోధుడు కుమురం భీం స్మరిస్తూ వారి కుటుంబ సభ్యులను కేంద్ర రైల్వేశాఖ ఆధ్వర్యంలో దిల్లీలో సన్మానించారు. కేంద్ర రైల్వేశాఖ ఆహ్వానం మేరకు ఇటీవల రాజధానికి వెళ్లిన కుమురం భీం మనుమడు సోనేరావును శనివారం కేంద్ర రైల్వేశాఖ మంత్రి అశ్విని వైష్ణవ్‌ ఘనంగా సన్మానించారు. అనంతరం రైల్వే మంత్రికి చిత్రపటాన్ని జ్ఞాపికగా అందించినట్లు సోనేరావు ‘న్యూస్‌టుడే’కు తెలిపారు. - న్యూస్‌టుడే, సిర్పూర్‌(యు)