ఒక్కటయ్యే వేళ.. ఉప్పొంగిన జాతీయత.!

సాధారణంగా పెళ్లి అనగానే బాజాభజంత్రీలు, వేద పండితుల మంత్రాలు వినిపిస్తాయి. ఆదిలాబాద్‌ పట్టణ శివారులో ఓ ఫంక్షన్‌ హాలులో జరిగిన వివాహ వేడుకలో జనగణమన జాతీయగీతం, భారతమాతాకీ జై నినాదాలు మారుమోగాయి. 75ఏళ్ల అమృతోత్సవ వేళ పట్టణంలోని భాగ్యనగర్‌కి చెందిన సాఫ్ట్‌వేర్‌ ఇంజినీర్‌ ఎల్మల్‌వార్‌ సాయినాథ్‌, మహారాష్ట్ర ధర్మాబాద్‌కి చెందిన అభిజ్ఞ పెళ్లి వేడుకను ప్రత్యేకంగా జరుపుకొన్నారు. ముందుగా వారు జాతీయజెండాలు చేతబట్టి, హాజరైన బంధువులు, అతిథులతో కలిసి జాతీయ గీతం ఆలపించారు. ఆ తరువాతే ఒక్కటయ్యారు. - ఈనాడు, ఆదిలాబాద్‌, న్యూస్‌టుడే, భీంపూర్‌