గ్రూప్‌-1 పరీక్ష కేంద్రాల పరిశీలన

ఏర్పాట్లను పరిశీలిస్తున్న జిల్లా కలెక్టర్‌ ముషారఫ్‌ అలీ ఫారుఖీ, ఎస్పీ ప్రవీణ్‌కుమార్‌

నిర్మల్‌, న్యూస్‌టుడే: జిల్లా కేంద్రంలో ఈ నెల 16న నిర్వహించే గ్రూప్‌-1 పరీక్ష కేంద్రాలను మంగళవారం జిల్లా పాలనాధికారి ముషారఫ్‌ అలీ ఫారుఖీ, ఎస్పీ సీహెచ్‌.ప్రవీణ్‌కుమార్‌లు పరిశీలించారు. రవి హైస్కూల్‌, ప్రభుత్వ బాలికల జూనియర్‌ కళాశాలలో ఏర్పాటుచేసిన కేంద్రాలను చూసి ఏర్పాట్లను పర్యవేక్షించారు. పరీక్షా కేంద్రాల్లో ఏర్పాటుచేసిన సీసీ కెమెరాలు, ఫర్నీచర్‌ను పరిశీలించారు. 19 కేంద్రాల్లో 4,620 మంది అభ్యర్థులు పరీక్ష రాయనున్నట్లు చెప్పారు. ఎక్కడా ఎలాంటి ఇబ్బందులు తలెత్తకుండా పకడ్బందీ చర్యలు చేపట్టాలని సూచించారు. వీరి వెంట ఆర్డీవో తుకారాం, జిల్లా విద్యాధికారి రవీందర్‌రెడ్డి, అర్బన్‌ తహసీల్దార్‌ సుభాష్‌చందర్‌ ఉన్నారు.