ఉత్సవాలను కలిసి నిర్వహించుకోవడం హర్షణీయం

ఎంపీ సోయం, భాజపా జిల్లా అధ్యక్షుడు శంకర్‌ను సన్మానిస్తున్న పిప్పల్‌కోటి గ్రామస్థులు

భీంపూర్‌, న్యూస్‌టుడే : దుర్గా నవరాత్రి ఉత్సవాలను హిందువులతో పాటు ముస్లింలు కలిసి నిర్వహించుకోవడం హర్షణీయమని ఎంపీ సోయం బాపురావు పిప్పల్‌కోటి వాసులను అభినందించారు. ఇదే స్ఫూర్తిని ప్రతి గ్రామంలో కొనసాగించాలని ఆకాంక్షించారు. మంగళవారం పిప్పల్‌కోటిలో జరిగిన ముగింపు ఉత్సవాలకు ఎంపీతో పాటు భాజపా జిల్లా అధ్యక్షుడు పాయల్‌ శంకర్‌ పాల్గొని ప్రత్యేక పూజలు చేశారు. గ్రామస్థులు వారిని సత్కరించారు. దుర్గా మండలి సభ్యులు గడ్డం సంతోష్‌, సాదిక్‌, స్వామి, ప్రవీణ్‌, శ్రీనివాస్‌, రాజు, భాజపా మండల అధ్యక్షుడు రాకేష్‌యాదవ్‌, నాయకులు రెడ్డి రమేష్‌ తదితరులు పాల్గొన్నారు.