ఎస్టీ హోదా కల్పిస్తే జాతీయ స్థాయిలో మద్దతు

ఎమ్మెల్యేకు మాలీల సర్వే పుస్తకాన్ని అందజేస్తున్న సంఘ నాయకులు

ఆదిలాబాద్‌ పట్టణం, న్యూస్‌టుడే : అన్ని రంగాల్లో వెనుకబడిన మాలీ కులస్థులకు తెలంగాణలో ఎస్టీ హోదా కల్పిస్తే జాతీయ స్థాయిలో మీ పార్టీకి మద్దతు ఇస్తామని ఆ సంఘం నాయకులు ఆదిలాబాద్‌ ఎమ్మెల్యే జోగు రామన్నకు తెలిపారు. తమ డిమాండ్ల దస్త్రాన్ని సీఎం వద్దకు చేర్చినందుకు ధన్యవాదాలు తెలిపారు. పట్టణంలోని ఎమ్మెల్యే క్యాంపు కార్యాలయంలో మంగళవారం ఆ సంఘ నాయకులు మర్యాదపూర్వకంగా కలిశారు. మాలీల సమగ్ర సర్వే వివరాలతో ముద్రించిన పుస్తకాన్ని ఆయనకు అందజేశారు. సంఘం రాష్ట్ర ప్రధాన కార్యదర్శి సురేష్‌, రాష్ట్ర కోశాధికారి సతీష్‌, జిల్లా అధ్యక్షుడు విజయ్‌, సర్పంచి వివేక్‌, నాయకులు వామన్‌ ప్రధాన్‌, దీపక్‌షిండే, దాదారావు షిండే, సోనులే కిషన్‌, జనార్దన్‌, జిల్లా పట్లే సంఘం అధ్యక్షుడు గంగారాం, నాగోషే ఉత్తం, సుధాకర్‌ నాగోషీ తదితరులు పాల్గొన్నారు.