రావణ దహనానికి ఏర్పాట్లు

తిలక్‌ మైదానంలో ఏర్పాటు చేస్తున్న రావణాసురిడి బొమ్మ

బెల్లంపల్లి పట్టణం, న్యూస్‌టుడే: విజయ దశమి సందర్భంగా రావణ దహనం ఏర్పాట్లు హిందూ ఉత్సవ సమితి ఆధ్వర్యంలో కొనసాగుతున్నాయి. బుధవారం మధ్యాహ్నం వరకు రావణాసూరుడి బొమ్మ ఏర్పాట్లు పూర్తి కానున్నాయి. దహన సమయంలో లోపలికి ప్రజలంతా దూసుకెళ్లకుండా బారికేడ్లు ఏర్పాటు చేశారు. పోలీసుల ఆదేశాలతో పకడ్బందీ ఏర్పాట్లు కొనసాగుతున్నాయి. ప్రజలంతా సులభంగా రావణ దహనాన్ని వీక్షించేందుకు అన్ని ఏర్పాట్లు కొనసాగుతున్నాయి. మరోవైపు ప్రధాన ద్వారం వద్ద ఇప్పటికే ఆయా పార్టీల ఫ్లెక్సీలు ఏర్పాటయ్యాయి. మరోవైపు పట్టణంలో ఫ్లెక్సీల తొలగింపు విషయంలో ఘర్షణ వాతావరణం నెలకొనకుండా పోలీసులు ముందస్తు చర్యలు తీసుకుంటున్నారు. సింగరేణి సంస్థ కనీసం మైదానం చుట్టు పక్కల పిచ్చిమొక్కలను తొలగించలేదు. సింగరేణి అధికారులు మైదానంలో విజయదశమి సందర్భంగా పిచ్చిమొక్కలు తొలగించకపోవడంపై ప్రజలు ఆగ్రహం వ్యక్తం చేస్తున్నారు. మరోవైపు మున్సిపాల్టీ అధికారులు మైదానాన్ని శుభ్రం చేయించలేదు.